საგადასახადო მართვა

ბუღალტერი უზრუნველყოფს ყოველდღიურ აღრიცხვასა და დეკლარირებას. საგადასახადო კონსულტანტი საჭიროა არასტანდარტული ოპერაციების, საერთაშორისო გარიგებების, რესტრუქტურიზაციის, შემოწმებისა და დავების დროს - როცა გადაწყვეტილების ფასი მაღალია და საჭიროა კოდექსის ინტერპრეტაცია და პოზიციის დასაბუთება.

საგადასახადო შეტყობინების გასაჩივრება შესაძლებელია შემოსავლების სამსახურში, შემდეგ ფინანსთა სამინისტროსთან არსებულ დავების განხილვის საბჭოში ან სასამართლოში. თითოეულ ეტაპს აქვს ვადები და მტკიცებულებების მოთხოვნები, ამიტომ პოზიციის სწორად ჩამოყალიბება პირველივე ეტაპზეა მნიშვნელოვანი. BeeWise ამზადებს საჩივარსა და დასაბუთებას და წარმოგადგენთ განხილვის პროცესში.

საქართველოს საგადასახადო კოდექსით, ტრანსფერ ფრაისინგის წესები ვრცელდება დაკავშირებულ პირებს შორის საერთაშორისო ოპერაციებზე, ასევე შეღავათიანი დაბეგვრის მქონე ქვეყნების რეზიდენტებთან ოპერაციებზე. ასეთმა კომპანიებმა უნდა შეძლონ დაადასტურონ, რომ ფასები საბაზრო პრინციპს შეესაბამება, და მოთხოვნისას წარადგინონ შესაბამისი დოკუმენტაცია.

დიახ. ჩვენ ვუზრუნველვყოფთ მიმდინარე ტრანზაქციებისა და დეკლარირების პროცესის პერმანენტულ მონიტორინგს, რასთან ერთადაც ვახდენთ საგადასახადო რისკების კომპლექსურ დიაგნოსტიკასა და პოტენციური საფრთხეების იდენტიფიცირებას. გარდა ამისა, სრული სურათის დასანახად, ვასრულებთ გასული პერიოდების ოპერაციების სიღრმისეულ მიმოხილვასა და რეტროსპექტიულ ანალიზს, რათა შევქმნათ ეფექტური პრევენციული სტრატეგია თქვენი ბიზნესის მაქსიმალური დაცულობისთვის.

პირველი ნაბიჯი საწყისი შეხვედრაა, სადაც ვეცნობით თქვენს საკითხს და ვთანხმდებით სამუშაოს მოცულობასა და ფორმატზე: ერთჯერადი დასკვნა, პროექტული ჩართულობა თუ მუდმივი მხარდაჭერა.