Odoo ERP სისტემის დანერგვა და მხარდაჭერა

Odoo არის ღია კოდის ბირთვზე აგებული მოდულური ERP სისტემა, რომელიც აერთიანებს CRM-ს, გაყიდვებს, შესყიდვებს, საწყობს, წარმოებას, ბუღალტერიას, HR-სა და პროექტების მართვას. მოდულური სტრუქტურა საშუალებას იძლევა, დაიწყოთ იმით, რაც ახლა გჭირდებათ, და გააფართოვოთ ბიზნესის ზრდასთან ერთად, რაც მას მცირე და საშუალო ბიზნესისთვის ხელმისაწვდომ არჩევანად აქცევს.

ვადა დამოკიდებულია მოდულების რაოდენობაზე, პროცესების სირთულეზე, მონაცემთა მიგრაციის მოცულობასა და თქვენი გუნდის ჩართულობაზე. ამიტომ პროექტს ეტაპებად ვყოფთ: პირველ რიგში ვუშვებთ კრიტიკულ მოდულებს, დანარჩენს კი ეტაპობრივად ვამატებთ. კონკრეტულ კალენდარს ანალიზის ეტაპის შემდეგ ვადგენთ.

საბუღალტრო პროგრამა უკვე მომხდარ ოპერაციებს აღრიცხავს, ERP სისტემა კი უშუალოდ მართავს ბიზნესპროცესებს - შეკვეთიდან მიწოდებამდე, შესყიდვიდან გადახდამდე და ა.შ. შესაბამისად, საბუღალტრო გატარებები ამ პროცესების პარალელურად, ავტომატურად გენერირდება. მონაცემი სისტემაში მხოლოდ ერთხელ შედის, რის შემდეგაც ყველა განყოფილება ერთიან და რეალურ სურათს ხედავს. შეყვანილი ინფორმაციის წაშლა შეუძლებელია, რაც შიდა კონტროლის უმაღლეს სტანდარტს უზრუნველყოფს.

დიახ. Odoo სრულად ადაპტირებულია ქართულ კანონმდებლობასთან. დანერგვისას განვსაზღვრავთ საუკეთესო პრაქტიკასთან შესაბამის ანგარიშთა გეგმას, დღგ-სა და სხვა გადასახადების პარამეტრებსა და ფინანსური ანგარიშგების ფორმებს. გარდა ამისა, სისტემაში უკვე ინტეგრირებულია RS.ge-სთან (ზედნადებები, ანგარიშ-ფაქტურები, დეკლარაციები) და ქართულ მსხვილ ბანკებთან ავტომატური გაცვლითი კავშირი, ხოლო სხვა გარეგან სისტემებთან ინტეგრაციის საჭიროებას პროექტის მოთხოვნების შესწავლისას განვსაზღვრავთ.

პროექტის გაშვების შემდეგ BeeWise აგრძელებს სისტემის მხარდაჭერას, რაც მოიცავს: მომხმარებელთა კონსულტაციას, ახალი ფუნქციონალის დამატებას, სისტემურ განახლებებსა და პროცესების ოპტიმიზაციას. მხარდაჭერის ფორმატი და მოცულობა განისაზღვრება დამკვეთის ინდივიდუალური საჭიროებების შესაბამისად.